Жыл басынан бері жүк айналымы көлемі 10,3 пайызға, ал барлық жүк түрлері бойынша тиеу көлемі өткен жылмен салыстырғанда 12,6 пайызға артты, деп хабарлайды "Қазақстан темір жолы" ҰК" АҚ баспасөз қызметі.
Жүк жөнелтушілердің тапсырысымен ұн 10%-ға, астық 13%-ға жоспардан артық тасымалданды. Жыл басынан бері экспорт көлемі өткен жылмен салыстырғанда 12%-ға өсіп, 63,5 миллион тоннаны құрады. Жүкті Ресейге (+12%), Қытайға (18%), Қырғызстанға (+10%), Өзбекстанға (+10%) және Түрікменстанға (+25%) экспортқа шығару көлемі өскен.
Жыл басынан бері Қазақстан аумағы арқылы ҚХР-Еуропаға транзиттік контейнерлік тасымал көлемі өткен жылмен салыстырғанда 1,6 есеге, Еуропадан-Қытайға екі есеге өскен. Негізгі контейнерлік пойыздар Ченду- Достық –Лодзь бағдарына жиі қатынай бастады.
