Жыл басталғалы Атыраудағы кәсіпорындарда 31 жағдай тіркеліп, жеті адам қызмет орнында көз жұмған. Осылайша, республика бойынша өңір екінші орында тұр.
Мемлекеттік еңбек иснпекциясы облыстық басқарма басшысының орынбасары Батырбек Имашев оқыс оқиғалардың көбеюін құрылыс нысандарының көптеп салынуымен түсіндірді, деп хабарлайды atr.kz.
"Құрылыс саласында алты адам биіктен құлап, ауыр дәрежедегі дене жарақатын алса, біреуі қаза болды. Бұрын-соңды мұндай деректер өте сирек кездесетін-ді. Кінәраттың 80 пайызы жұмыс берушінің тарапынан болып отыр. Яғни, жұмыс талапқа сай ұйымдастырылмаған. Қатты жел мен дауылды күндері биікке шығып, жұмысқа кіріскендердің ешқайсысы қауіпсіздік белдігін тақпағаны анықталып отыр. Енді құрылыс мекемелерімен арнайы жұмыс жүргізетін боламыз", — деді ол.
