Жыл басынан бері жұмыс берушілердің қазақстандықтарға берешегі 160 млн теңгеге жуықтаған, деп хабарлайды inbusiness.kz Еңбек және халықты әлеуметтік қорғау министрлігіне сілтеме жасап.
"Биылғы 1 ақпандағы жағдай бойынша Мемлекеттік еңбек инспекторлары республиканың 44 кәсіпорыны 890 қызметкеріне жалақы бойынша 159,1 млн теңгеден астам сома қарыз екенін анықтады. Осы кәсіпорындардың басшыларына орындалуы міндетті 12 нұсқама беріліп, 2 млн теңгеден астам сомаға айыппұл салынды", – деп жазылған хабарламада.
Қабылданған шаралар нәтижесінде жалақы бойынша берешекті өтеу кестелері мен мерзімдерін белгіленді.
"Нәтижесінде, 516 жұмыскердің құқықтары қорғалды. Оларға 90,2 млн теңге төленді", – деп жазылған хабарламада.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
