Ұлттық банк төрағасының орынбасары Олег Смоляков еліміздің банк секторында сапалы өзгерістер болып жатқанын айтты. Жұмыс істемейтін қарыздардың көлемі 20%-ға жуық төмендеген.
"Биылғы жылы банк секторын қалыпқа келтіру процесі жалғасады. Банктер жұмыс істемейтін қарыздарды тануды, сондай-ақ әлеуетті кредиттік шығындарға провизияларды ұлғайтуды жалғастыруда. Қалыптасқан провизиялар 2,3 трлн теңгеге дейін 30,6%-ға өсті", – деп хабарлады Олег Смоляков сенаттың кеңейтілген отырысында.
Бұл ретте, ол нәтижесінде жаңа кредиттер беру өткен жылдың осындай кезеңімен салыстырғанда биылғы жылғы 4 айда 10,3%-ға ұлғайғанын атап өтті.
"Базалық ставканың төмендеуі қаржы нарығында ставкалардың, оның ішінде кредиттеу бойынша ставкалардың төмендеуіне ықпал етеді. Биылғы жылғы сәуірде заңды тұлғаларға теңгемен кредиттер бойынша ставка 12,0% деңгейде қалыптасты", –деді Ұлттық банк басшысының орынбасары.
