Сол сияқты қызмет берушілер де оларға икемді төлем шарттарын ұсынуға дайын көрінеді. Негізінен бұл қазіргі таңдағы сұранысқа ие мамандықтар – курьерлер мен жүргізушілердің бос жұмыс орындарына қатысты, деп жазады inbusiness.kz hh.kz-ке сілтеме жасап.
Бұдан бөлек жиынтықтаушылар, әртүрлі жұмысты атқаратындар, жүк тиеушілер, кассирлер, аспаздар, даяшылар, промоутерлер, флористер және т.б. күнделікті ақы ала алады. Олардың күн сайын табатыны 3 мыңнан 20 мың теңгеге дейін жетуі мүмкін.
hh.kz деректеріне сәйкес, 2022 жылдың ағымдағы кезеңінде елдегі платформаға күнделікті төлемдер бойынша 300-ден астам бос жұмыс орны жарияланған. Олардың 48%-ы курьерлерді жалдауға қатысты.
Жұмысқа орналасумен байланысты ұсыныстардың басым бөлігінде жұмыс тәжірибесі немесе жоғары білім туралы диплом қажет емес көрінеді. Ең маңызды талап – ұқыптылық пен жауапкершілік. Бос орындардың жартысынан астамы (69%) икемді жұмыс кестесін ұсынады. Бұл оны негізгі жұмыспен қатар алып жүруге мүмкіндік береді деп көрсетілген.
