Ақтөбе автопаркінің басшылары қалалық әкімдікке қоғамдық көліктің жолақысын 55 теңгеден 100 теңгеге өсіру туралы өтініш білдірді.
Бұған қарызға белшесінен батқан кәсіпорынның жұмысшылардың жалақысын дер кезінде төлей алмауы түркі болды.
"Жанар-жағармай мен бөлшектердің бағасы өсті. 55 теңгеге адам тасымалдауды жалғастыра беретін болсақ, үлкен қиындықпен бетпе-бет келеміз. Қазірдің өзінде жағдайымыз мәз емес, жұмысшыларға жалақы төлей алмай отырмыз. Осының салдарынан қызмет көрсетуіміздің сапасы да нашарлап кетті", - деп шағымданды "Автопарк" ЖШС басшылары.
Әкімдіктегілер тасымалдаушыларға тарифті өсіруге рұқсат берген жоқ. Мәселенің қалай шешілетіні әзірше белгісіз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
