Биыл 87,3 мың адамға төлем алғаш рет тағайындалған, деп жазады inbusiness.kz ҚР Еңбек және халықты әлеуметтік қорғау министрлігіне сілтеме жасап.
"Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем жоғалған кірістің 40%-ына дейінгі мөлшерде МӘСҚ қаражаты есебінен жүзеге асырылады", - делінген ведомство хабарламасында.
Ақпаратқа сәйкес, төлем тағайындау үшін жұмыстан босатылған азаматтар:
- - eGov.kz порталында авторизациядан өтіп, "Жұмысқа орналастыру және жұмыспен қамту" бөлімінде "Жұмыс іздеуші адамдарды тіркеу" қызметін таңдауы тиіс;
- - онлайн-қызметке тапсырыс беріп, барлық жолды толтыру және оған ЭЦҚ-мен қол қойып, өтінімді жіберу керек;
- - 1 күн ішінде тұрғылықты жеріңіздегі халықты жұмыспен қамту орталығы бос жұмыс орындарын ұсынады. Егер жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда ХЖҚО қызметкері қосымша ақпарат жинау үшін хабарласады;
- жоғарыда аталған қызмет enbek.kz-те де қолжетімді.
Жұмыстан айырылған жағдайда Мемлекеттік әлеуметтік сақтандыру қорының қаражаты есебінен төленетін төлем жұмыстан шығу себептеріне қарамастан жүзеге асырылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
