Алматы – Шелек – Қорғас автожолының 140-шақырымында көлік жүргізушісі бейнебақылау камерасына әдепсіз қимыл көрсеткен, деп хабарлайды inbusiness.kz сайты.
Оқиға полиция қызметкерлерінің камераларды мониторингтеуі кезінде тіркелді.
Бейнежазбада жүргізушінің камераның жанынан өтіп бара жатып, оған әдейі әдепсіз қимыл көрсеткені анықталған.
Жедел-іздестіру шаралары барысында полицейлер сұр түсті Mercedes-Benz көлігін тауып, жүргізушісін тоқтатты. Тексеру кезінде оның камераға жақындағанда мемлекеттік тіркеу нөмірін қасақана жасырғаны да анықталды.
Осыған байланысты жүргізушіге қатысты Әкімшілік құқық бұзушылық туралы кодекстің тиісті баптары бойынша хаттамалар толтырылды. Материалдар процессуалдық шешім қабылдау үшін сотқа жолданды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
