"Жуықта БАҚ бетінде семейлік шенеунік той жасағаны туралы жаңалық жарияланды. Шенеуніктің кім екені анықталды ма және оған қандай жаза тағайындалды?" – деді сұрақ қойған журналист.
Сұраққа департамент басшысының орынбасары Сәуле Сләмғазина жауап берді.
"Бас санитариялық дәрігердің қаулысында айтылған отбасылық жиын-тойларға қатысты шектеулердің бұзылмауы бойынша Санитариялық-эпидемиологиялық бақылау департаменті тиісті шаралар қабылдап жатыр. Шектеу шараларын бұзушылар әкімшілік жауапқа тартылуда. Аталмыш факт бойынша материал басқармалар мен министрліктердің қарауына жөнелтілді. Шешім шыққаннан кейін тиісті жаза тағайындалады", – деді Сәуле Слямғазина.
Брифинг модераторы спикерден нақтырақ жауап беруін өтінді.
"Сіз қай оқиға туралы сұрап тұрғаныңызды айтсаңыз. Өйткені бізде ондай оқиға көп", – деп жауап берді Сәуле Слямғазина.
БАҚ өкілі департамент маманынан мәселені қайта-қайта нақтылап сұрағанымен толыққанды жауап ала алмады.
"Демек, арада бір айға жуық уақыт өтсе де қай шенеунік той өткізгенін анықтай алмадыңыздар ма?" – деді журналист.
Ары қарай сәл үнсіздіктен кейін брифинг модераторы диалогты бөліп, спикерден жазбаша жауап жолдауын сұрады.
Тасқын Болатұлы
