Журналист Михаил Козачковқа сот үкімі шықты

481

Оған шартты түрде 3,5 жыл мерзімге бас бостандығынан айыру жазасы тағайындалды.

Журналист Михаил Козачковқа сот үкімі шықты Фото: inbusiness.kz

Сот журналист Михаил Козачковқа қатысты үкім шығарды. Ол 3,5 жылға шартты түрде бас бостандығынан айырылды, деп хабарлайды inbusiness.kz Zakon.kz сайтына сілтеме жасап.

"Расында, Алматы гарнизонының әскери сотының үкімімен Михаил Козачков кінәлі деп танылып, шартты мерзімге сотталды. Ол қылмыстық кодекстің 147 және 274-баптары бойынша сотталды. Журналистік зерттеулерді дайындау кезіндегі кәсіби қателіктері үшін деп те айтуға болады", деді Михаил Козачковтың адвокаты Елена Жигалёнок.

Адвокат Қаржы мониторингі агенттігінің тергеу тобы Козачковтың Елдос Қоспаевтың ұйымдасқан қылмыстық тобының қызметіне еш қатысы жоқ екенін анықтағанын баса айтты.

"Рейдерлікке қатысы бар деген айыптар алынып тасталды, Михаилге қатысты 249 және 262-баптар бойынша қозғалған қылмыстық іс ақтау негіздерімен қысқартылды", деді ол.

Еске салайық, Козачков 2022 жылы 18 желтоқсанда ұсталған болатын. Тұтқынға алынғаннан кейін Михаил президентке оның құқықтарының бұзылғаны туралы шағыммен жүгінді, оны Бас прокуратура тексеруге уәде етті.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу