Елімізде журналистика факультетін тәмамдағандардың 40%-ы мамандық бойынша жұмыс істемейді. Бұл туралы Ақпарат және қоғамдық даму вице-министрі Кемелбек Ойшыбаев айтты, деп хабарлайды inbusiness.kz тілшісі.
Ол еліміздегі журналистика факультеттерінде арнайы талдау жүргізілгенін атап өтті.
"Талдау барысында журналистика факультетіндегі студенттердің 40% -ы жоғары оқу орындарын бітіргеннен кейін журналист болып жұмыс істемейтіні анықталды. Бұл жақсы емес. Осы мәселеге назар аудару керек. Бірнеше рет университет ректорларымен, Лев Гумилев атындағы Еуразия Ұлттық универсиеті, Әл-Фараби атындағы Қазақ ұлттық университетіндегі журналистика факультеттерінің декандарымен кездесу өткіздік. Олар бұл мәселені шешуге тырысатынын айтты", - деді Кемелбек Ойшыбаев "Қазақстанның медиа саласын дамыту" тақырыбында өткен кеңесте.
Дәурен Ерболат
