/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 427,45 Brent 36,55
Жұрттың жігерін жаныған үндеу – Сенатор

Жұрттың жігерін жаныған үндеу – Сенатор

ҚР Парламенті сенатының депутаты Еділ Мамытбеков Мемлекет басшысы Қасым-Жомарт Тоқаевтың үндеуіне байланысты пікір білдірді.  

09 Шілде 2020 19:55 237

Жұрттың жігерін жаныған үндеу – Сенатор

«Жаһанды жайлаған пандемия індетіне қарсы күш – мемлекет пен халықтың арасында өзара қолдау, түсіністік, сенім болған кезде қалыптасатыны сөзсіз. Қазіргі жағдай қанша қиын болғанына қарамастан, мемлекетіміз індетті жеңуге жұмылуда. Дәрігерлеріміз жанқиярлық ерлік көрсетуде. Осы ретте халқымыздың саналы әрекеті мен жауапкершілігі аса маңызды. Президент осыны баса айтты, елге демеу болатын сөзін жеткізді.

Мемлекет басшысы «Біреуге жан қайғы...» болып жатқан тұста дәрі-дәрмектің бағасын көтеріп, алаяқтықпен пайда көксегендердің жолын кесу шараларын, ащы да болса, денсаулық сақтау жүйесіндегі кемшін тұстарға жол берілгендігін бүкпесіз сөз етті. Енді осы ескертпеден нәтиже шығару аса маңызды», – деді ол.

Сондай-ақ ол Мемлекет басшысының Ұлттық аза тұту күнін белгілеуі ел басына түскен ауыр сынақта көпшілікті сабырға шақырады деген пікірде. «Президент «Бұл – өте қауіпті, батпандап кіріп, мысқалдап шығатын дерт» екенін ескертіп, бірлік пен білімге жүгінуді ұсынды. Қазіргі таңда ауруға қатысты жалған ақпараттар пен қауесеттер көбейіп кетті. Президенттің осы жағдайдан сақтандырып, карантин ережелерін қатаң сақтауға үндеуі қазіргі таңдағы бірден-бір тиімді әрекет болып саналады. Халқымыз «Сақтықта – қорлық жоқ» деген даналықты осындай қиын кезеңдерге байланысты айтса керек. Хакім Абай жиырма сегізінші қара сөзінде «...ауруды жаратқан құдай, ауыртқан құдай емес», – деп нанып, ұқсаң болар», – дейді. Сондықтан, «ауырып ем іздегенше, ауырмаудың жолын іздейік» дегім келеді», – деді сенатор.

Мемлекет басшысы Канаданың Премьер-Министрімен кездесу өткізді

Кездесу соңында Қасым-Жомарт Тоқаев пен Джастин Трюдо бір-бірін өзара сапар алмасуға шақырды.  

14 Ақпан 2020 20:57 497

Мемлекет басшысы Канаданың Премьер-Министрімен кездесу өткізді

Қасым-Жомарт Тоқаев 56-шы қауіпсіздік жөніндегі Мюнхен конференциясы аясында өткізген екіжақты кездесулерін Канаданың Премьер-Министрі Джастин Трюдомен келіссөз жүргізуден бастады, деп хабарлайды Ақорда.

Тараптар Қазақстан мен Канада арасындағы сауда-экономикалық, инвестициялық және мәдени-гуманитарлық ынтымақтастықтың қазіргі ахуалы мен перспективаларын талқылап, халықаралық ұйымдар аясындағы ықпалдастықты қарастырды, сондай-ақ, халықаралық күн тәртібіндегі өзекті мәселелер бойынша пікір алмасты.

Қасым-Жомарт Тоқаев Джастин Трюдоға ілтипат білдіріп, экономика, инвестиция тарту, ауыл шаруашылығы және технология салаларындағы екіжақты қатынастарды одан әрі дамытудың маңыздылығын атап өтті.

«Біз Канадамен тығыз қарым-қатынас орнаттық. Ынтымақтастығымыздың қазіргі деңгейін жоғары бағалаймыз. Елдеріміз арасындағы өзара ықпалдастықтың аясын одан әрі кеңейте түсеміз деп үміттенеміз», – деді Қазақстан Президенті.

Мемлекет басшысы уран саласындағы канадалық «Cameco» компаниясының жұмысына оң баға беріп, Канада бизнесіне қажетті барлық жағдайды жасауды жалғастыра беруге дайын екенін растады.

Джастин Трюдо кездесуге мүмкіндік туғызғаны үшін Қазақстан Президентіне алғыс білдіріп, екі мемлекет арасындағы көпжылдық достық пен серіктестікке тоқталды.

«Екі ел арасындағы экономикалық ынтымақтастықта көптеген ортақтық бар. Біз энергетика саласындағы бірқатар жоба бойынша ықпалдастық орнаттық. Кооперацияларымызды одан әрі нығайтуға ниеттіміз», – деді Канаданың Премьер-Министрі.

Канада үкіметінің басшысы саяси және экономикалық реформаларды жүзеге асыру жөніндегі Қазақстан Президентінің күш-жігерін жоғары бағалап, азаматтық қоғам мен демократияны дамыту саласына қолдау көрсетуге дайын екенін жеткізді.

 

Президент Қордайдағы жаппай төбелеске пікір білдірді

Бұл туралы Мемлекет басшысы Твиттер желісінде жариялады.   

08 Ақпан 2020 00:01 537

Президент Қордайдағы жаппай төбелеске пікір білдірді

Мемлекет басшысы Қордайдағы жаппай төбелеске пікір білдірді, деп хабарлайды inbusiness.kz. 

«Жамбыл облысы Қордай ауданында бұзақылық сипаттағы жаппай төбелес болды. Оны арандатушылар өз пайдасына қолданбақ болған. Полиция жағдайды реттеп, өз бақылауына алды. Қоғамдық тәртіпті бұзғандар жауапкершілікке тартылады», – деп жазды Қасым-Жомарт Тоқаев Твиттер желісінде.