Қазақстан Республикасы Қаржы нарығын реттеу және дамыту агенттігінің 2022 жылдың басынан бастап коллекторлық агенттіктердің қызметін реттеу мен бақылауды жүзеге асыруы шеңберінде коллекторлық агенттіктердің тізілімінен 31 коллекторлық агенттік шығарылды, деп хабарлайды inbusiness.kz.
Тізілімнен шығаруға:
26 коллекторлық агенттік бойынша: коллекторлық агенттіктің өз қызметін ерікті түрде тоқтату туралы шешімі ("Коллекторлық қызмет туралы" Қазақстан Республикасы Заңының 9-бабы 1-тармағының 8-тармақшасына сәйкес);
5 коллекторлық агенттік бойынша: коллекторлық агенттіктердің тізіліміне енгізілген күннен бастап қатарынан күнтізбелік он екі ай ішінде коллекторлық қызметті жүзеге асырмауы негіз болды.
"Тізілімнен шығару туралы хабарламаны алған сәттен бастап коллекторлық агенттіктерге берешекті өндіріп алу туралы жаңа шарттар және банктік қарыз шарттары және микрокредит беру туралы шарттар бойынша коллекторлық агенттікке құқықтың өту талаптарын қамтитын шарттар жасасуға тыйым салынады", – деп хабарлады Қаржы нарығын реттеу және дамыту агенттігі.
Санкциялар қолданылған коллекторлық агенттіктер бойынша барынша жан-жақты ақпаратпен мына сілтеме бойынша танысуға болады: "Коллекторлық агенттіктер".
