Алматы қаласының Көші-қон қызметінің мәліметтері бойынша, шаһарға биылғы жылдың 11 айында 81 мың 952 шетелдік азамат келген. Бұл өткен жылдың сәйкес кезеңімен салыстырғанда 64,7%-ға төмен.
"Көші-қон заңнамасын бұзғаны үшін 15 мың 310 құқық бұзушы әкімшілік жауапкершілікке тартылды. Оның 1 мың 477-і шетел азаматы. Аталған кезеңде басқа мемлекеттердің 238 азаматы елден шығарылды. Биыл шетелдіктер жасаған 274 қылмыс тіркелді, оның ішінде қылмыстардың ең көбін Өзбекстан Республикасының азаматтары жасаған. Жалпы қалада көші-қон бойынша ахуал тұрақты",– деді Алматы қалалық ПД Көші-қон қызметі басқармасының бастығы Асхат Бутунчинов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
