Бұл туралы Үкімет отырысында Ұлттық банк төрағасы Ғалымжан Пірматов мәлім етті, деп хабарлайды inbusiness.kz.
"Біріңғай жинақтаушы зейнетақы қорының зейнетақы активтері жыл басынан бері 1,0 трлн теңгеге немесе 8,0%-ға ұлғайып, биылғы қыркүйек айының соңында 14,1 трлн теңгені құрады. Жыл басынан бастап инвестициялық кіріс көлемі 742,0 млрд теңгені, зейнетақы жарналары – 1 трлн 238 млрд теңгені, зейнетақы төлемдері – 197,4 млрд теңгені, мерзімінен бұрын алу сомасы – 858,5 млрд теңгені құрады", – деді бас банк басшысы.
Осылайша, зейнетақы активтерінің кірістілігі соңғы 12 айда 7,5%-ды құрады.
"Бұл ретте, зейнетақы активтерінің 5 жыл ішінде жинақталған кірістілігі жинақталған инфляция 53,7% болған кезде 55,8%-ды құрады", – деді Пірматов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
