"Жалпы, биылғы жыл көші-қон саласы үшін де ерекше екенін атап өткім келеді. Екі жылдан астам уақыт бойы бүкіл әлемде, соның ішінде Қазақстанда да коронавирустық індеттің салдарынан көші-қон процестері тежелді. Ал Қазақстандағы эмиграция мен иммиграцияның статистикасы 2022 жылдың 11 сәуірінен бастап есептеледі", — деді Аслан Аталықов.
Спикер бұл күні Қазақстан карантиндік шектеулерді жеңілдетіп, Мемлекеттік шекараның құрлықтағы өткізу пункттерін кесіп өту мүмкіндігін ашқанын айтты.
"Содан бастап көші-қон үрдісі – елге кіру де, шығу да өсе бастады. Нәтижесінде жыл басынан бері елімізге 4 млн 399 мың шетелдік келді", – деді спикер.
Бұл ретте ол жыл басынан бері Қазақстанға қанша шетел азаматы және қай елдерден келгенін нақтылады:
- Ресейден - 1 млн 700 мың (39%);
- Өзбекстаннан 1,5 млн-нан астам (34%);
- Қырғызстаннан – 547 мың адам;
- Тәжікстаннан 200 мыңнан астам адам;
- Беларусь – 53 мың;
- Түркия – 68 мың;
- Германия – 43 мың.
Осы уақыт ішінде Қазақстаннан 4 млн 155 мың шетелдік кетті:
- Ресей Федерациясының 1 млн 666 мың азаматы;
- Өзбекстанның 1 млн 370 мың азаматы;
- Қырғызстанның 540 мың азаматы;
- Тәжікстанның 200 мыңнан астам азаматы бар.
