2026 жылдың 7 айында "Қазақстан темір жолы" желісі бойынша 8,1 млн тонна астық тасымалданды, бұл өткен жылдың сәйкес кезеңімен салыстырғанда 10% артық. Астық экспорты 10% өсіп, 6,2 млн тоннаға жетті. Ұнтақ өнімдерін тасымалдау 5% артып, 1,6 млн тонна болды, деп хабарлайды inbusiness.kz сайты.
2025-2026 жылдары теміржол көлігімен 14,2 млн тонна астық тасымалданған. Бұл өткен жылдың сәйкес кезеңімен салыстырғанда 14% артық. Негізгі өсім Орталық Азия бағыттарына тиесілі. Өзбекстанға 7 айда 3,1 млн тонна астық жөнелтілді – 47% артық. Ауғанстанға 605 мың тонна тасымалданды, бұл өткен жылғы көрсеткіштен 4,5 есе көп.
"Тасымалдау Қытай бағытында да өсуде. Достық және Алтынкөл станциялары арқылы 7 айда 449 мың тонна астық жөнелтілді – 22% артық. Бұл ретте астық таситын көліктердегі тасымалдау көлемі 17 есеге – 10 мыңнан 170 мың тоннаға дейін ұлғайды", – делінген хабарламада.
Биылғы тамыздағы жағдай бойынша желіде 15 177 астық тасымалдаушы бар, оның ішінде 6 382 вагон "Астық Транс" АҚ-ның иелігінде. Жабық вагондар паркі 17 066 бірлікті құрайды. 2015 жылдан бастап Қазақстанда меншік иелері 2 578 астық тасушы сатып алды.
ҚТЖ хабарлауынша, инфрақұрылым да тасымалдау көлемінің өсуіне дайын. 2026 жылы 573 км күрделі жөндеуді қоса алғанда, 1577 км жол жөнделуде. 2025 жылдың қыркүйегінде Достық – Мойынты учаскесінде екінші жолдар енгізілді. Жетіген – Алтынкөл учаскесін және Алтынкөл станциясын жаңғырту жөніндегі жобаларды іске асыру аяқталып, қытайлық бағыттың өткізу қабілетін арттыруға мүмкіндік береді.
