Жыл басынан 9 мыңға жуық автокөлік айыппұл тұрағына қамалды, деп хабарлайды inbusiness.kz сайты.
"Биыл "Қорғау" бағдарламасының көмегімен 339 мыңнан астам көлік құралы тексеріліп, 20 мыңнан астам әкімшілік құқық бұзушылық анықталды.
9 мыңға жуық автокөлік айыппұл тұрағына қамалды. Жалған нөмірлі 173 көлік анықталды. Сонымен қатар полиция жүргізушілер тәртібін нығайту бойынша шаралар қабылдады", - деп хабарлады ІІМ.
Алты айда 12 мыңнан астам мас жүргізуші ұсталып, жүргізу құқығынан айырылды.
"Жыл басынан бері дәл осы мас күйде көлік тізгіндеудің салдарынан 178 жол-көлік оқиғасы орын алып, 26 адам қаза тапты", - делінген ІІМ таратқан хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
