Оның 13-і құлдықтың заманауи түрлеріне қарсы іс-қимылмен тікелей байланысты, дер жазады Inbusiness.kz сайты.
Заңсыз көші-қон мен адам саудасына қарсы күрес саласындағы халықаралық ынтымақтастықты нығайту Қазақстанның 2020 - 2030 жылдарға арналған сыртқы саясат тұжырымдамасындағы басымдықтардың қатарында көрсетілген.
"Адам саудасы проблемалары әлемнің барлық елдеріне тән. Ішкі істер министрлігінің деректері бойынша елімізде жыл сайын адам саудасына байланысты 150-ге жуық қылмыс тіркеледі. Ұйымдасқан топтардың, оның ішінде адам саудасының құрбандарын жалдаумен және қанаумен айналысатын трансұлттық топтардың заңсыз әрекеттерінің жолы кесіледі", — деді сенатор Қайрат Тастекеев.
Бүгінгі таңда Қазақстан Республикасы — 60-тан астам көпжақты шарттардың қатысушысы, оның 13-і құлдықтың заманауи түрлеріне қарсы іс-қимылмен тікелей байланысты, олардың қатарында:
- Біріккен Ұлттар Ұйымының адам саудасына және үшінші тұлғалардың жезөкшелікті пайдалануына қарсы күрес туралы конвенциясы;
- Адамдарды, әсіресе әйелдер мен балаларды сатудың алдын алу және жолын кесу және ол үшін жазалау туралы хаттама.
- Халықаралық конвенциялардың көптеген ережелері ұлттық заңнамаға енгізілген.
"Бүгінгі таңда адам саудасының алдын алу және оның жолын кесу, сондай-ақ жәбірленушілердің құқықтарын қорғауды, адам саудасына қарсы бірыңғай іс-қимыл жүйесін айқындайтын, онымен күресудің тиімді тетіктерін көздейтін дербес заңның және жауапкершілікті күшейтетін ілеспе заңдардың қажеттілігі туындады", — деді спикер.
