"Соңғы 7 жылдан бері жасөспірімдердің қылмыс жасау деңгейі тұрақты түрде төмендеп келеді. 2013-2019 жылдар аралығында бұл көрсеткіш 64%-ға азайды. Өткен жылы да аталған статистика үштен бірге төмендеді. Мәселен, жасөспірімдер арасында ұрлық 39%-ға, тонау 54%-ға, қарақшылық 79%-ға, бұзақылық 25%-ға кеміді", – деді Әкімшілік полиция комитеті төрағасының орынбасары.
Алексей Милюктің айтуынша жасөспірімдердің заң бұзушылықтарға баруының негізгі себебі –ата-аналар тарапынан тиісті деңгейді бақылаудың болмауы.
"Жыл сайын ішкі істер органдарына 100 мыңға дейін кәмелеттік жасқа толмаған бала жеткізіледі. Олардың басым бөлігі түнгі уақытта ойын-сауық орталықтарында жүргендер. Сондықтан 2020 жылы 65 мыңнан аса ата-ана балаларының осындай әрекеттері үшін әкімшілік жауапкершілікке тартылды", – деді Әкімшілік полиция комитеті төрағасының орынбасары.
Құралай Құдайберген
