Жыл соңына дейін қалада осындай 13 павильон пайда болуы тиіс. Олардың бесеуі Майқұдықта, сегізі қалада және Оңтүстік-Шығыста болады, деп жазады inbusiness.kz Қарағанды облысының әкімдігіне сілтеме жасап.
– Бүгінгі таңда аялдамалардың қаңқалары жасалды, коммуникациялар дайындалды, төсеніштер төселуде. Келесі аптада біз бірінші павильонды орнатуды бастаймыз. Аялдамалар аудандық әкімдіктерге қызмет көрсетуге беріледі. Орнату орындары жолаушылардың ең көп жиналуы бойынша таңдалады. Келесі жылы бұл жұмыс жалғасады, – деді Қарағанды әкімі аппаратының коммуналдық сала бойынша орынбасары Мейрам Кожухов.
Павильонның ішінде олар жылу пердесін жасауға, кондиционер, USB розеткаларын орнатуға уәде береді.
Жылы аялдаманың ұзындығы – 10 метр, оның бесеуі - жабық бөлік.
Сыйымдылығы – 25 адамға дейін. Жұмыс уақыты 06:00-ден 23:00-ге дейін
Жылы павильондар пайда болады:
- Майқұдықта: Көгілдір тоғандар және 19-шы шағын аудандары, "Қарлығаш" аялдамасы, Жаңа Майқұдық МҮ және "Горняк"базары;
- қалада: Кеншілер МҮ (екі жағынан), ОӘД (екі жағынан), "Шығыс" базары (бір павильон), "Таир" СҮ (бір павильон), Шахтеров даңғылындағы "Корзина" аялдамасы (бір павильон), "Политех" аялдамасы (бір павильон).
