Ұлттық банк инфляция және инфляциялық болжамдар бойынша соңғы деректермен бөлісті, деп хабарлайды inbusiness.kz.
Қазақстан Республикасының Стратегиялық жоспарлау және реформалар агенттігі Ұлттық статистика бюросының деректері бойынша 2021 жылғы мамырда инфляция 0,7% болды. Былтырғы жылдың сәйкес кезеңінде бұл көрсеткіш 0,5% еді.
"Жылдық инфляция 7,2% деңгейінде қалыптасты. Инфляцияның құрылымында жылдық көрсеткіш бойынша азық-түлік тауарларының бағасы 9,3%-ға, азық-түлікке жатпайтын тауарлар – 6,7%-ға, ақылы қызметтер – 5,1%-ға жоғарылады.
2021 жылғы мамырда халық сауалнамасы нәтижесі бойынша бір жылдан кейін күтілетін инфляцияны сандық бағалау 6,6% болды", – деп хабарлады реттеуші.
Еске сала кетсек, 2020 жылы желтоқсанда инфляция деңгейі – 7,5% болған еді.
