/img/tv.svg
RU KZ
DOW J 26 430,37 РТС 1 225,84
FTSE 100 7 446,87 Hang Seng 30 066,07
KASE 2 184,31 Бидай 465,40
Жылқы етінен «басаши» деп аталатын жапон деликатесі жасалады

Жылқы етінен «басаши» деп аталатын жапон деликатесі жасалады

Қазақстан және Жапония қазақстандық жылқы етін жапон нарығына шығару жөнінде келіссөз жүргізіп жатыр.

14 Маусым 2019 15:06 186

Жылқы етінен «басаши» деп аталатын жапон деликатесі жасалады

Оның нәтижесінде жылқы етінен «басаши» деп аталатын деликатес дайындалатын болады, деп хабарлайды «ҚазАқпарат».

Жапондықтардың пікірінше, жылқы еті сиыр етінен гөрі әлдеқайда пайдалы және онда ішек таяқшалары кездеспейді. Жылқы етінің құрамында  ақуыз бен линол қышқылы мол, алайда калориясы аз. Бұдан өзге, жылқы еті адам өмірін ұзартады. Демографиялық зерттеулер үнемі жылқы етін ғана тұтынатын Жапонияның Нагано перфектурасы тұрғындарының әлдеқайда ұзағырақ өмір сүретінін дәлелдеген: орташа өмір сүру ұзақтығы ерлер үшін -80,88,  әйелдер үшін - 87,18.

Жылқы етін Қазақстаннан күншығыс еліне жеткізуді ұйымдастыру мәселелері 2019 жылдың 14 маусымы күні ҚР  Жапониядағы Елшісі Ерлан Баударбек-Қожатаев және Жапонияның Денсаулық сақтау, еңбек және халықты әлеуметтік қорғау министрі Такуми Немото арасында талқыланды.

Тараптар сондай-ақ денсаулық сақтау саласындағы екіжақты ынтымақтастықтың, соның ішінде 2018 жылдың 25 қазанында Астана декларациясы шеңберінде қол қойылған алғашқы медициналық-санитарлық көмектің алдағы перспективаларын талқылады.

Айта кетейік, ҚР Ұлттық экономика министрлігі Статистика комитетінің мәліметінше, 2018 жылы Қазақстан-Жапон тауар айналымы 2 млрд АҚШ долларын құрады, бұл көрсеткіштің өткен жылмен салыстырғанда 54% -ға артқанын білдіреді.

Тегтер:

жылқы еті

inbusiness.kz-ті қараңыз, оқыңыз :

Жаңалықтарға жазылу: