Құс жарақатына байланысты жылы жаққа ұшып кете алмай, Ертіс өзенінің жоғарғы ағысындағы Оңтүстік су қоймасында қалып қойған.
Павлодар орман және жануарлар дүниесін қорғау мекемесінің басшысы Аждар Жүсіповтің айтуынша, аққуды алғаш болып жергілікті тұрғындар байқап, мамандарға хабар берген.
Орманшылар жаралы құсты су қоймасының мұз басқан бөлігінен жағаға алып шыққан. Мамандардың болжамынша, аққудың сол қанаты зақымданғандықтан, ол сыңарына ілесіп ұша алмаған.
Құтқарылған құс сыбырлақ аққу түріне жатады. Қазір оны ветеринарлар тексеріп жатыр.
Егер жарақаты ауыр болса, аққу Павлодар ауылындағы жабайы жануарлар мен құстарға арналған арнайы орталыққа жеткізіліп, сонда қыстап шығады.