Қазақстан премьер-лигасының 31-тур ойынында хорватиялық легионер Марин Томасов 4 гол салды. Футбол тілімен айтқанда бұл покер. "Астана" командасы Томасовтың төрт голының арқасында "Ақтөбені" 5:0 есебімен жеңді. Соңғы рет бір ойында гол соққан ойыншы бұл түркмениялық шабуылшы Мүслим Агаев болған екен. Ол сонау 2003 жылы "Ертіс" - "Жетісу" (7-2) ойынында покер жасаған. Міне, содан бері 16 жыл бойы мұрты бұзылмаған бұл статистиканы Томасов 32-минуттың ішінде жаңартып отыр.
Сонымен қатар, хорват ойыншысы 19-голмен үздік сұрмергендер тізімінде көш бастады. Ал осыдан 2 жыл бұрын "Астана" шабуылшысы Джуниор Кабананга бір ойында 4 гол салуы мүмкін болған еді. "Астана" - "Шахтер (4-1) ойынында Кабананга үш гол салып, соңғы минутта қақпашымен бетпе-бет шығады да допты қақпа бағанына тигізіп алады. Егер сол сәтте гол тіркелгенде онда Кабананга бұл мәліметті сәл ертерек жаңартар еді.
Ермұхамед Мәулен
