2029 жылғы X қысқы Азия ойындарын өткізу құқығы Алматы қаласына берілді.
Азия Олимпиада Кеңесінің (OCA) хабарлауынша, Қазақстан мен OCA арасында тиісті құжаттар келісіліп, ойындарды өткізу жөнінде ортақ шешім қабылданған.
Келісімшартқа 5 ақпан күні Италияның Милан қаласында өтетін салтанатты рәсім барысында қол қойылады. Рәсімге OCA мен Қазақстан тараптарының ресми өкілдері қатысады.
Бұған дейін қысқы Азия ойындарын Сауд Арабиясының Неом қаласындағы тау-шаңғы курортында өткізу жоспарланған болатын. Алайда құрылыс жұмыстарының кешігуіне байланысты Сауд Арабиясы Азиаданы қабылдаудан бас тартты.
Осылайша, Азиядағы ірі қысқы спорт додасы қайтадан Алматыда өтетін болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
