Испанияның 5-дивизионының 19-турында "Менсахеро" клубының 21 жастағы қазақстандық шабуылшысы Данил Анкудинов "Бусанада" командасына қарсы ойында хет-трик жасады. Кездесу 4:1 есебімен "Менсахероның" пайдасына шешілді. Анкудинов 1, 19 және 27-минуттарда гол соқты.
Бұл жеңістен кейін "Менсахеро" 30 ұпаймен турнир кестесінде жетінші орынға жайғасты. Ал "Бусанада" 18 ұпаймен 15-орында тұрақтап қалды.
Данил Анкудинов 2024 жылы Испанияның "Менсахеро" командасына қосылды. Бұған дейін ол Беларусьтің "Днепр-Могилев", Литваның "Джюгас", Арменияның "Ван", Молдованың "Шериф" және Ресейдің "Родина-2" клубтарында ойнаған. Сондай-ақ, ол Қазақстанның 17, 19 және 21 жасқа дейінгі жастар құрамаларына шақырту алған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
