Кеше түнде Португалия құрамасы 2026 жылғы әлем чемпионатының Еуропа аймағындағы іріктеу кезеңінің 4-турында Венгриямен тең тарқасты, деп хабарлайды inbusiness.kz сайты.
Лиссабон қаласындағы "Жозе Алваладе" стадионында өткен матчта 2:2 есебі тіркелді. Португалиялық 40 жастағы аңыз Криштиану Роналду 2 гол (22, 45+3 минуттар) соқтық. Бұл – оның мансабындағы 947 және 948-ші голы. Сондай-ақ, Криштиану Роналду әлем чемпионатының іріктеу матчтарында барлығы 41-ші голын тойлап, жаңа рекордқа қол жеткізді. Негізінен, футболшының арманы – соққан голдарының санын 1000-ға жеткізу.
Ал Венгрия сапынан Адам Салаи (8-минут) мергендігімен танылса, Доминик Собослаи 90+1 минутта есепті теңестіріп кетті.
Осыдан соң Роберто Мартинес жаттықтыратын Португалия 10 ұпай жинап, E тобында ешкімге дес бермей тұр. Ал Марко Росси баптайтын Венгрия 5 ұпаймен екінші орынға жайғасқан.
Келесі турда Португалия Ирландияға қонаққа барса, Венгрия Армениямен сырт алаңда кездеседі.
Бұған дейін "Роналду 40 жасында қамал алып, рекорд орнатты" деген тақырыпта материал жариялаған едік.
