/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
60 мың автокөлік құрастырылады

60 мың автокөлік құрастырылады

Отандық автоөндірушілердің нарықтағы үлесі 55,8%-ға жетті.

23 Шілде 2019 16:17 10143

60 мың автокөлік құрастырылады

Автор:

Абылай Бейбарыс

Биылғы жылдың алғашқы алты айында 31 мың жеңіл автокөлік сатылды. Оның 17 мыңы отандық автоөндірушілердің еншісіне тиді. Көп көлік сатқандардың көшін «БИПЭК АВТО» мен Astana Motors компаниялары бастады.

Өткен айда ел азаматтары 6 мыңнан астам жеңіл және коммерциялық көлік сатып алды. Бұл мамыр айымен салыстырғанда 2,7% және 2018 жылдың сәйкес кезеңімен салыстырғанда 12,5% көп көрсеткіш.

Бірінші жартыжылдықтағы сауда көрсеткіші өткен жылға қарағанда 18,3% артық болды. Атап көрсетерлігі отандық автоөндірушілердің нарықтағы үлесі 47,1%-дан 55,8%-ға ұлғайды. Сәйкесінше импорттың көлемі 52,9%-дан 44,2%-ға қысқарды.

Қазақстанда құрастырылған су жаңа жеңіл автокөліктердің саудасы бір жылда 40,1%-ға көбейіп, жартыжылда 17 мың бірлікке жетті. Есептік кезеңде 13,6 мың шетелдік көлік сатылды. Бұл бір жыл бұрынғыдан 1,1% аз көрсеткіш.

Қазақстан автобизнес қауымдастығының дерегінше, «БИПЭК АВТО» дилерлік тобы 10,3 мың, Astana Motors компаниясы 7,7 мың автокөлік сатты.

Үздік үштікті «Вираж» компаниясы тұйықтады. Мұндағылар 1,9 мың «темір тұлпар» өткізді.

Үкімет басшысы Асқар Маминнің мәлімдеуінше, биыл отандық автоөндірушілер 60 мың автокөлік құрастырады. Келесі жылы бұл көрсеткіш 100 мыңға жетеді. Осылайша отандық автоөндіріс саласына серпін беріледі.

«Отандық автокөліктердің сатылымын ұлғайту мақсатында таяу болашақта жеңілдетілген автонесие бағдарламасын 5 есе ұлғайтып, жылына 15 мың автокөлік өткізетін боламыз», – деді Асқар Мамин.

Біле жүріңіздер, жеңілдетілген автонесие бағдарламасы 2015 жылы іске қосылды. Содан бері бағдарлама үздіксіз жалғасып келеді.

Биыл бағдарлама аясында қосымша 10 млрд теңге бөлінді. Бұл соманың 8 млрд теңгесін жеңіл көліктерді несиелеуге, 2 млрд теңгесі коммерциялық теxниканы лизингтік қаржыландыруға жұмсалады.

Абылай Бейбарыс

inbusiness.kz-ті қараңыз, оқыңыз :

Қазақстандық көлікті Ресейде қалай есепке қоюға болады?

Қазақстаннан автокөлік сатып алып, оны Ресейде есепке қоймақ болсаңыз, қолыңызда нотариуспен расталған сатып алу-сату шарты болуға тиіс.

02 Қыркүйек 2019 15:32 8774

Қазақстандық көлікті Ресейде қалай есепке қоюға болады?

Ресейде жүргізу үшін Қазақстаннан көлік сатып алу қиын емес. Осыдан бірнеше жыл бұрын баж салығындағы айырмашылықты төлеп, ресейлік кеденде жаңа КҚП (көлік құралының паспорты) алу және көптеген тиісті құжаттар жинау қажет еді, қазір оңайырақ. 

Дегенмен бірқатар шектеулер бар. Нақтырақ айтсақ, Ресейде шыққанына 10 жылдан асқан көліктерді бастапқы есепке қоюға тыйым салынған, ол тіпті ЕАЭО елдеріне тиесілі болса да (Еуро 4 және 5 экостандартының талаптарына сай). Рөлі оң жақтағы көліктерді де тіркемейді (Бұл талаптың Ресейге қоныс аудару бағдарламасымен барған көлік иелеріне қатысы жоқ. Оларға бір отбасына бір автокөлікті кіргізуге болады және көліктің жасы мен рөлінің орналасуы маңызды емес). Сонымен қатар, қазақстандық көлікті Ресейде тіркеу барысында оның иесіне утилизациялық алым төлеуге тура келеді. Жеңіл автокөлікті әкелетін жеке тұлғалар көлік қозғалтқышының көлеміне қарамастан, шығарылғанына үш жылдан аспаған темір тұлпар үшін 3 400 рубль, ал одан ескі көліктер үшін 5 200 рубль төлейді.

Егер сіз Қазақстаннан автокөлік сатып алып, оны Ресейде есепке қоймақ болсаңыз (тіркеуден шығарып), қолыңызда нотариуспен расталған сатып алу-сату шарты болуға тиіс.

Темір тұлпарды елден шығармас бұрын алдын ала оның Еуро 4 экостандарына сәйкестігін растайтын сертификат алу қажет. (Көлік құралдарымен жұмыс істейтін кез келген сертификаттау орталығынан). Бұл құжатсыз Ресейде КҚП алу қиын болады. Одан бөлек, көлікті техникалық тексерістен өткізу керек немесе диагноситкалық картаның көшірмесін алу қажет (ресейлік жол сақшыларын тыныштандыру үшін). Әрі қарай автокөлікті қазақстандық есептен шығарып, транзиттік нөмір алып (әрекет ету мерзімі –10 күн, тағы сондай мерзімге ұзартуға мүмкіндік бар), уақытша сақтандыру рәсімдейсіз. Ал Ресей шекарасында РФ-ның сақтандыруын алу керек.

Қазір транзиттік нөмірлер толыққанды мемлекеттік нөмір болып саналады, тек олардың әрекет ету мерзімі шектелген. Тәртіп сақшылары түнде транзиттік нөмірмен жүретіндерді ұнатпайды, дегенмен бұл үшін қандай да бір айып тағуға құқықтары жоқ. Бұрын «Транзит» нөмірлерімен тек тіркеу орнына баруға ғана міндеттейтін норма болатын. Бірақ оның күші жойылды.

Дәл Қазақстандағыдай, Ресейде де эксаумақтық құқық қағидасы өз күшінде. Яғни, көлікті тұрғылықты жерде ғана емес, кез келген аймақта есепке қоюға болады. Тіркеу үрдісі стандартты түрде жүзеге асады – құжаттар өткізіп, біраз күтесіз және нөмір мен техникалық құжат аласыз.

Олжас Оқас

Жеңілдетілген автонесиемен 2 116 көлік сатылды

Автоәуесқойлар көлік сатып алуға 341 млрд теңге жұмсады.

20 Тамыз 2019 11:20 9095

Жеңілдетілген автонесиемен 2 116 көлік сатылды

Отандық автоөндірушілер соңғы 7 айда 24 687 автөкөлік құрастырды. Бұған 171,3 млрд теңге жұмсалды.

«ҚазАвтоӨнеркәсіп» Қазақстан автомобиль саласы кәсіпорындары одағының дерегінше, көлік өндірісінің көлемі өткен жылдың сәйкес кезеңімен салыстырғанда 42,6%-ға артық болды.

«Жеңіл автокөлік өндірісі 38,1%-ға ұлғайып, 22 280 бірлікті құрады. Автобус құрастыру көрсеткіші 4 есе өсіп, қолданысқа 754 автобус берілді. Есептік кезеңде 1 196 бірлік жүк көлігі мен 422 тіркеме құрастырылды. Ал арнайы техника өндірісі 83 бірліктен 35 бірлікке азайды», – деп хабарлады одақтың баспасөз қызметі.

Белгілі болғандай, биыл «ҚазАвтоӨнеркәсіпке» қарасты кәсіпорындардың автонарықтағы үлесі 56,7%-ға жеткен. Былтыр бұл көрсеткіш 47,6%-ды құраған. Ал ел азаматтары Қазақстанда құрастырылған «темір тұлпарды» тақымдау үшін 341 млрд теңге жұмсаған.

«АЗИЯ АВТО» АҚ сату үлесінің 54%-ын иеленіп, 11 965 көлік өткізді. «СарыарқаАвтоӨндіріс» ЖШС сату көрсеткішін 41,4%-ға жеткізіп, 9 179 көлік сатты. «СемАЗ» ЖШС - 404, «КАМАЗ-Инжиниринг» - 361, «Daewoo Bus Kazakhstan» ЖШС -145, «Hyundai Trans Auto» ЖШС - 103 көлік өткізді», – деді «ҚазАвтоӨнеркәсіп» Қазақтан автокөлік саласы кәсіпорындары одағы стратегиялық жоспарлау бөлімінің директоры Артур Мискарян.

Оның сөзінше, соңғы 7 айда жеңілдетілген несиемен 2 116 автокөлік сатылды.

«Автоөндірушілер еліміздің жалпы ішкі өнімін 171,3 млрд теңгемен толықтырды. Бұл өткен жылмен салыстырғанда +50,6% көп көрсеткіш. Шілде айында қазақстандықтар 58,5 млрд теңгеге 6 465 автокөлік сатып алды. Бұл соңғы 3 жылдағы ең жақсы нәтиже», – деді бөлім басшысы.

Абылай Бейбарыс

inbusiness.kz-ті қараңыз, оқыңыз :

Жаңалықтарға жазылу: