7 айда 55 849 пәтер тапсырылды

7 айда 55 849 пәтер тапсырылды

12:34 13 Тамыз 2019 22646

7 айда 55 849 пәтер тапсырылды

Автор:

Абылай Бейбарыс

Ипотека рәсімдеушілердің саны 4,5%-ға өсті.

Жыл соңына дейін елімізде 13 млн шаршы метр тұрғын үй салынып, пайдалануға беріледі. Әзірше жоспардың 50%-ы орындалды.

Индустрия және инфрақұрылымдық даму министрлігінің мәліметінше, соңғы 7 айда 6,5 млн шаршы метр тұрғын үй бой көтерді.

"Республика бойынша барлығы 55 849 бірлік тұрғын үй тапсырылды. Оның  24 013-і  жеке үй. Еліміздің 7 өңірінде тұрғын үй құрылысы қарқынды жүріп жатыр. Тұрғын үйді пайдалануға беру көрсеткіші бойынша Түркістан облысы көшбастап тұр. Екінші орынға Қызылорда, үшінші орынға Қостанай облыстары орналасқан. Ал Маңғыстау облысы мен Нұр-Сұлтан қаласында тұрғын үйді іске қосу қарқыны сәл төмендеген", – деп хабарлады министрліктің баспасөз қызметі.

Белгілі болғандай, құрылыс бойынша нақты көлем индексі 2019 жылдың соңғы 7 айында 111,5%-ды құраған. Мұнда Қызылорда, Қарағанды, Атырау облыстары үздік үштікке енген. Көрсеткіштің төмендеуі Шымкент қаласында байқалған.  

Естеріңізге салайық, биылғы жылдың I жартыжылдығында Қазақстанда 144 299 үй сатылды. Үй сату көрсеткішінде алматылықтар алда болды. Бұдан кейінгі орындарды Нұр-Сұлтан, Қарағанды қалалары иеленді.

Бірінші жартыжылдықта тұрғын үй бағасы едәуір өсті. Cтатистика агенттігінің дерегінше, алғашқы алты айда еліміздің барлық қалаларында үй орта есеппен алғанда өсім +5%-ға қымбаттады.  

Тұрғын үй нарығында қымбатшылық орын алса да, ипотека рәсімдеушілердің қатары сиреген жоқ. Керісінше, пәтер сатып алу үшін екінші деңгейлі банктерден қарыз алғандардың саны 4,5%-ға өсті. Осылайша ел азаматтары баспаналы болу үшін қаржы институттарынан 1,49 трлн теңге қарыз алды.

Абылай Бейбарыс

Ұқсас материалдар:

kazakstanda-zhagarmaj-aketu-20-litrmen-shekteledi

shymkent-kalasy-kajtadan-salynady

bayanauyldagy-ortke-eshkim-kinali-emes

resej-kytaj-romansy-trampka-kenes-zhane-bakylau-kameralary

bayanauyl-pejil-men-mejir-nege-zhok

загрузка

×