"Адана Демирспор" сапында өнер көрсететін қазақстандық футболшы "Бешікташқа" қарсы кездесуде күтпеген жағдайға тап болды.
Ойынның небәрі 22-минутында Айымбетов әуедегі допқа талас кезінде шынтағымен Габриэль Паулистаның бетіне соғып, қорғаушының тісін сындырды. Соған қарамастан, ол алаңда қалып, матчты соңына дейін жалғастырды.
Айта кетейік, Паулиста – кезінде әйгілі "Атлетико" мен "Арсенал" клубтарының намысын қорғаған тәжірибелі футболшы.
Бұл сәт жанкүйерлер мен сарапшылардың наразылығын тудырды. Әлеуметтік желілерде Айымбетовтің әрекеті қызу талқыланып жатыр. Ал шабуылшының өзі 55-минутта тағы бір тәртіп бұзып, сары қағаз алды. Бұл оған жасалған маусымдағы төртінші ескерту. Енді Абат келесі кездесуге қатыса алмайтын болды.
Матч "Бешікташтың" ірі жеңісімен аяқталды – 4:1.
Тағы бір қазақстандық футболшы, "Бешікташтың" жартылай қорғаушысы Бахтиёр Зайнутдинов бұл матчта жарақатына байланысты алаңға шыққан жоқ.
