Сербия астанасында өтетін турнирдің нақты қай күні басталатыны кейін белгілі болады. Бұл түзетулер коронавирус пандемиясына байланысты 2020-жылы өтуі тиіс Олимпиада ойындарының 2021-жылға шегерілгеннен кейін енгізіліп отыр.
Бастапқыда бокстан Әлем чемпионаты 2021-жылы Нью-Деелиде өтуі керек еді. Бірақ, Үндістан астанасы AIBA алдындағы қаржылай міндеттемелерді орындамағандықтан, турнир Сербияда өтетін болды. Осы жағдайға байланысты Нью-Дели айыппұл ретінде AIBA-ға 500 мың доллар төлейтін болды. Ал, Белгард өз тарихында екінші мәрте бокстан Әлем чемпионатын қабылдайды. Бұған дейін аталған дода 1978 жылы өткен. Сондай-ақ 2021 жылы әйелдер арасында да бокстан Әлем чемпионаты ұйымдастырылады. Алайда оның өтетін орнын AIBA кейінірек мәлімдейтін болады.
Естеріңізге сала кетсек, ерлер арасында бокстан 2019-жылы өткен Әлем чемпионатында Қазақстан құрамасы алты медаль – бір алтын, бір күміс және 4 қола иеленген еді. Ал, жалпыкомандалық есепте Өзбекстан және Ресей құрамаларынан кейін 3-нәтиже көрсетті.
Ермұхамед Мәулен
