БЕЛТА-ның жазуынша, бұл – 7 сәуірде Иранмен уақытша келісім жарияланғаннан кейінгі ең жоғары көрсеткіш, деп хабарлайды inbusiness.kz сайты.
Әуелгі мәліметтерге сәйкес, Ирандағы әскери операция басталғаннан бері бензиннің орташа бағасы 49%-дан аса өскен. Осы уақытта мұнай бағасы жыл басынан бері шамамен 80%-ға қымбаттады.
Бағаның өсуіне қысқа мерзімді қысымның күшеюі, әсіресе, АҚШ президенті Дональд Трамптың Иран порттарын блокадада ұстау ниетін білдіруімен байланысты.
– Біз бағаның бұл қысқа мерзімді өсуі америка халқына қалай әсер ететінін түсінеміз, – деді АҚШ қаржы министрі Скотт Бессент.
Ең қымбат бензин Калифорнияда – галлонға $6,11. Вашингтон және Гавайи штаттарында оның бағасы $5,6-ға жетіп оытр. Сондай-ақ, Орегон, Невада және Аляска тұрғындары үшін жанармай бағасы $5-тен асады.
Осыған дейін отандық ақпараттық сайттарда АҚШ-та бензиннің орташа бағасы бір галлонға 3,57 доллардан 5,96 долларға дейін ауытқып, АҚШ азаматтарының бюджетіне қосымша салмақ түсіретіні жазылған еді.
