"Ақжайық" Қазақстан Кубогінің бесінші туры қарсаңында "Ақтөбені" қабылдады. Матч Оралдағы Петр Атоян атындағы стадионда өтіп, 2:1 есебімен аяқталды.
"Ақжайық" ойын бастала салысымен есепте алға шықты. Қақпашымен жеке-дара шыққан Николай Ковталюк өз мүмкіндігін сәтті пайдаланды. 54-минутта Иван Антипов Евгений Козловтың пасынан кейін матчтағы екінші голды соқты. Кездесудің 78-минутында Темірлан Ерланов есеп айырмасын қысқартты. "Ақжайық" он ұпаймен С тобында алғашқы орынға көтерілді. "Ақтөбе" ең соңғы орынға жайғасты (0 ұпай).
Ал "Мақтаарал" Қазақстан Кубогінің бесінші туры аясында "Атырау" клубымен кездесті. Матч Атакенттегі Алпамыс батыр стадионында өтіп, 1:1 есебімен аяқталды. Ойынның небәрі 5-минутында "Мақтааралдың" жартылай қорғаушысы Ерболат Рүстемов алыстан өте жойқын соққы бағыттап, командасын алға шығарды. Ал ойынның аяқталуына екі минут қалғанда Петр Гжельчак баспен гол соқты. Соңғы үш матчта жеңілмеген "Мақтаарал" 8 ұпаймен В тобында екінші орынға табан тіреді. "Атырау" екі ұпаймен ең соңғы орында қала берді.
Сонымен қатар Қазақстан Кубогінің бесінші туры аясында БЖМОРСМ 8 және "Қызыл-Жар" командалары үш ұпайды сарапқа салды. Матч "Астана Аренада" өтіп, 2:3 есебімен петропавлдық клубтың пайдасына шешілді.
Ойынның 15-минутында Әлібек Қасым айып добын тамаша орындап, есеп ашты. 50-минутта Артур Дадаханов алыс тоғыздықты дәл көздеп, таразы басын теңестірді. Араға үш минут салып, Тимур Мульдинов өз командасын алға шығарды. Ал 68-минутта Максим Скорых көзге түсті. 86-минутта Арман Төлегенов тағы да айып алаңның сыртынан соққы бағыттап, есепті қысқартты. "Қызыл-Жар" бұл жеңістен кейін А тобында 10 ұпаймен көш бастады. Бірде-бір ұпайы жоқ елордалық команда ең соңғы орында тұр.
Ермұхамед Мәулен
