Қазақстандық теннисші Александр Бублик (№11) Гонконгта өтіп жатқан ATP 250 санатындағы турнирдің жартылай финалына шықты. Ол Қытай өкілі Шан Цзюньчэнді (№406) жеңді.
Бублик матчта 6:1, 7:6 (7:2) есебімен басым түсті. Кездесу 1 сағат 26 минутқа созылды. Қазақстандық теннисші 15 эйс жасап, екі қос қателікке жол берді. Ал Цзюньчэн 3 эйс орындап, 3 рет қос қателік жіберді.
Жартылай финалда Бубликтің келесі қарсыласы Маркос Гирон (№64, АҚШ) мен Майкл Ммо (№285, АҚШ) жұбының жеңімпазы болады.
Айта кетейік, Александр Бублик әлемдік рейтингтегі жоғары орнының арқасында турнирді бірден екінші айналымнан бастады. Ол бұған дейін нидерландылық Ботик ван де Зандсхулпты (№75) екі сетте – 6:3, 6:3 есебімен жеңген болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
