Қазақстанның ерлер арасында бірінші, әлемнің 33-ракеткасы Александр Бублик Аделаида (Аустралия) ATP 250 турнирінде бақ сынайды, деп хабарлайды inbusiness.kz сайты.
Бұл қазақстандық теннисшінің жаңа маусымдағы алғашқы жарысы болмақ.
Жаңа жылды өзінің отбасымен қарсы алып, Аустралияға аттанған А.Бублик Аделаидада бастапқы кездесуін әлемнің 54-ракеткасы, сербиялық Миомир Кецмановичпен өткізеді.
Жүлде қоры 1 млн доллардан асатын әйелдер арасында Аделаида WTA 500 турниріне Қазақстанның екінші, әлемнің 29-ракеткасы Юлия Путинцева қатысады.
Оның алғашқы қарсыласы – әлемнің 19-ракеткасы, Париж Олимпиадасының күміс жүлдегері, хорватиялық Донна Векич.
Екі жарыс та 6-11 қаңтар аралығында өтеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
