Канада өз тарихында тұңғыш рет турнирдің осы сатысына жолдама алып отыр, деп хабарлайды inbusiness.kz сайты.
Матч Лос-Анджелестегі "SoFi Stadium" аренасында өтті. Канадалықтар көбірек шабуыл ұйымдастырса да, алғашқы таймда есеп ашылмады. Тіпті, қос құрама кездесудің негізгі уақытында да гол соға алмады.
Канаданың бас бапкері Джесси Марш 76-минутта жарақатынан соң алғаш рет алаңға Альфонсо Дэвисті шығарды. "Баварияның" қорғаушысы шабуылға серпін беріп, бірнеше қауіпті мүмкіндік жасауға себеп болды.
Матчтағы жалғыз голды 92-минутта "Лос-Анджелес" клубының жартылай қорғаушысы Стивен Эуштакиу соқты. Ол осылайша кездесудің үздік ойыншысы атанды.
1:0 есебімен жеңіске жеткен Канада әлем чемпионатының 1/8 финалына шыққан алғашқы команда саналды.
Енді Канада келесі кезеңде Нидерланд пен Марокко құрамалары арасындағы матчтың жеңімпазымен кездеседі.
