Қазақстан ұлттық құрамасының боксшысы Теміртас Жүсіпов Дубайда өтіп жатқан әлем чемпионатының қола жүлдегері атанды.
Жартылай финалда отандасымыз ресейлік Эдмонд Худоянға 0:5 есебімен жол берді.
37 жастағы Теміртас Жүсіпов – қазақ әуесқой боксының аңызы. Ол – әлем чемпионы (2021), Азия чемпионы (2013, 2019), сондай-ақ WSB сериясының чемпионы (2015), Әлемдік әскери ойындардың (2019) және әскери қызметкерлер арасындағы әлем чемпионатының (2021) жеңімпазы, бірнеше дүркін Қазақстан чемпионы.
Сондай-ақ, бүгін рингке Сәкен Бибосынов (54 кг), Оразбек Асылқұлов (57 кг), Ертуған Зейнуллинов (63,5 кг) және Абылайхан Жүсіпов (71 кг) шығады.
Әлем чемпионаты 4-13 желтоқсан аралығында өтуде. Турнир жеңімпаздары 300 000 доллар, күміс жүлдегерлер 150 000 доллар, қола жүлдегерлер 75 000 доллар, ал ширек финалға шыққан боксшылар 10 000 доллардан алады.
