BBC Үнді билігі 200 азаматтың 26-сы қаза тапқанын, 7 адамнан мүлде хабар жоқ екенін жазады, деп хабарлайды inbusiness.kz сайты.
Қалғандары майдан шебінде немесе әскери бөлімдерде жүргені айтылған.
Нью-Дели бұл жағдайға байланысты Мәскеуге ресми наразылық білдіріп, Үндістан азаматтарын әскери қимылдарға тартуды тоқтатуды талап еткен. Сондай-ақ, қаза тапқандардың отбасына өтемақы төлеу және тірі қалғандарды елге қайтару мәселесін көтеріп отыр.
– Нью-Дели қазіргі уақытта Мәскеумен шамамен 50 үндістандықты елге қайтару жөнінде келіссөз жүргізіп жатыр. Осыған дейін Үндістан билігі 100-ден астам азаматтың отанына оралғанын хабарлаған.
Ал Ресей билігі армия қатарына тек өз еркімен қосылғысы келетін шетел азаматтары ғана алынатынын мәлімдеп отыр, – деп жазады BBC.
Соғыс аймағында жоғалып кеткендердің туыстары ресейлік делдалдар жастарды жоғары жалақысы бар заңды жұмыс пен тұратын орын уәде етіп алдағанын айтады.
Осы жағдайдан соң Үндістан, Непал және Шри-Ланка билігі өз азаматтарын жалған уәделерге сенбеуге шақырды.
BBC дерегінше, бұл оқиға Үндістан-Ресей қатынасындағы ең даулы мәселелердің біріне айналған әрі қос ел арасындағы серіктестікке көлеңке түсіріп отыр.
