Орта салмақ бойынша халықаралық дәрежедегі спорт шебері, әуесқой бокстан Алматыда өткен Әлем чемпионатының жеңімпазы, Инчхондағы Азия ойындарының жеңімпазы, Амманда өткен Бокстан Азия чемпионатының жеңімпазы Жәнібек Әлімханұлы (8-0, 4 КО) әлеуметтік желіде мәлімдеме жасады. Ол Әлем чемпионы атану үшін 72,5 келі салмақтан 76,2 келіге ауысуға және кіммен, қай салмақта болса да шаршы алаңға шығуға дайын екенін мәлімдеді.
"Қазір 168-дегі WBC чемпиондық белбеуі бос тұр. 160-та ешқандай чемпион шықпаса, салмақты көтеріп сол вакант титулға жұдырықтасуға дайынбыз. Кіммен және қай салмақта болса да бізге тезірек чемпион болу керек. Мақсатымыз сол. Уақыт келді. Біз дайынбыз. Қазақ еліне +1 чемпион керек!", - деп жазды өзінің Instagram парақшасында.
Естеріңізге сала кетсек, Жәнібек 28-наурыз күні Канадада өзінің WBC Continental Americas және WBO Global атақтарын қорғап қалу үшін Исса Самирмен (18-0, 15 КО) кездесу өткізуі тиіс болатын. Алайда, коронавирус пандемиясына байланысты жекпе-жек өтпей қалды.
Қазақстандық боксшы соңғы рет шаршы алаңға былтыр күзде АҚШ-тың Калифорния штатында канадалық боксшы Альберт Онолуносеге (24-3-1, 8 КО) қарсы рингке шыққан. Жекпе-жекте Жәнібек қарсыласын нокаутқа жіберген болатын.
Ермұхамед Мәулен
