Басылым орта салмақтағы WBO белбеуінің иегері Деметриус Андраде (31-0, 19 КО) қазақстандықпен кездесуден бас тартып, басқа салмақ дәрежесіне өту туралы шешім қабылдағаннан кейін осындай қорытындыға келген.
"Бұған дейін Андраде орта салмақтағы WBO титулын біріктіру үшін жоспарланған жекпе-жегін уақытша титул иегері Жәнібек Әлімханұлымен жалғастырмайтыны белгілі болды. Санкциялаушы орган мамыр айында жекпе-жектің қараша айының ортасына дейін өтетінін мәлімдеген болатын. Ал 20 шілде 30 күндік шарттарды әзірлеу бойынша келіссөздер жүргізілді.
Келіссөздердің мерзімі өткенімен, бірақ мәміле жасалған жоқ. BoxingScene.com хабарлауынша, Андраденің командасы 168 фунт салмақтағы міндетті үміткер Зак Паркерге (22-0, 16 КО) қарсы уақытша титулды жеңу үмітімен супер орта салмаққа өту жөніндегі бұрынғы жоспарларына оралады.
Ал Әлімханұлы орта салмақтағы WBO титулының жалғыз иегері болып қала берді. Осы күнге дейін жеңіліп көрмеген қазақстандық боксшы 21 мамырда Лас-Вегаста Дэнни Дигнумды екінші раундта нокаутқа түсіріп, уақытша белбеуді жеңіп алды.
Уақытша супер-орта салмақтағы титулы үшін сол күні Паркердің туған қаласы Дербиде Андраде-Паркер арасында кездесу өтеді деп жоспарланған болатын. Андраде жарақатына байланысты 2 мамырдағы жекпе-жектен бас тартты. Содан кейін WBO көп ұзамай санкцияларды алып тастап, жеңіліс көрмеген Паркерге кезекті орта салмақтағы чемпиондық атағын Әлімханұлына қарсы қорғауды талап етті", – деп мәлімдеді Boxingscene.com.
Естеріңізге сала кетейік, Андраде 2021 жылдың қарашасынан бері жекпе-жек өткізген жоқ. Соңғы рет ол ирландиялық Джейсон Куиглиді (19-2, 14 КО) екінші раундта мерзімінен бұрын жеңген. Ал Әлімханұлы мамыр айында британиялық Дэнни Дигнумды (14-1-1, 8 КО) екінші раундта нокаутқа түсіріп, WBO уақытша белбеуін жеңіп алған болатын.
Ермұхамед Мәулен
