Жобаның инвесторы тайландтық Sea Value Plc. компаниясы. Бұл туралы Ауыл шаруашылығы министрлігі баспасөз қызметі мәлім етті.
"Шикізатты қазақстандық және ресейлік балық шаруашылықтары жеткізеді деп жоспарланған. Өндіріс қуаттылығы күніне 3-5 тонна балық өнімін құрайды. Дайын өнім Таиландқа және басқа елдерге экспортталады", – делінген ақпаратта.
Алдағы уақытта компания Қазақстан аумағында өндірілетін өнім желісін кеңейтуді жоспарлап отыр, соның ішінде үй жануарларына арналған азық-түлікті, тауық ақуызын, тауықтан, балықтан жасалған мұздатылған жартылай фабрикаттарды, пісте және бадам сүтін және т.б.
Сондай-ақ, компания қазақстандық дистрибьютормен серіктестікте Алматы облысында өңірлік логистикалық хаб құру бойынша жұмыс істеуде.
Хаб компания өнімдерін ЕАЭО және Орталық Азия нарықтарына импорттауға, сақтауға және таратуға арналған.
