Биылғы турнирдің қатысушылар құрамы айрықша мықты. Мұз айдынына 2026 жылғы Олимпиада жүлдесіне үміткер спортшылар да шығады.
ISU деректеріне сәйкес, жарысқа бірқатар танымал мәнерлеп сырғанаушылар қатысады. Олардың қатарында Грузиядан – Ника Эгадза, Кореядан – Чха Чжун Хван, АҚШ-тан – Джейсон Браун және басқа да жұлдыздар бар.
Турнир бағдарламасында ерлер мен әйелдердің жекелей сырғанауы, сондай-ақ мұздағы билер бойынша медальдар сарапқа салынады.
Қазақстан құрамасы атынан мұзға шығатындар:
Ерлер: Михаил Шайдоров, Диас Жиренбаев, Никита Кривошеев, Олег Мельников
Әйелдер: София Фарафонова, Амира Ирматова, Вероника Коваленко, Нурия Сулеймен, Амина Алексеева, Карина Исакова, Русалина Шакирова
Мұздағы билер: Бойсангур Датиев / Гаухар Наурызова
Алматылық жанкүйерлер үшін бұл турнир – Денис Теннің мұрасын ұлықтаумен қатар, әлемнің үздік спортшыларын көруге үлкен мүмкіндік болмақ.
