Алматыда жыл басынан бері 5 бала көпқабатты үй терезесінен құлаған

Алматыда жыл басынан бері 5 бала көпқабатты үй терезесінен құлаған

12:44 16 Тамыз 2019 15675

Алматыда жыл басынан бері 5 бала көпқабатты үй терезесінен құлаған

Автор:

Құралай Құдайберген

ТЖД өкілдеріне жаз басталысымен осындай қайғылы статистиканы тіркеп отыруға тура келеді. Себебі бұл жағдайлардың дені оқушылар демалысқа шығып, аптап ыстық басталғанда орын алады.

Жыл басынан бері тек Алматының өзінде 5 баланың терезеден құлау фактісі тіркелген. Олардың басым бөлігі қайғылы жағдаймен аяқталған.

2 тамыз күні Алматыда баланың терезеден құлап кетуінің 2 дерегі тіркелген. Бірі Медеу ауданында  5-қабаттан 4 жасар ұл бала құлап, жедел жәрдем келгенге дейін қайтыс болған.  Кейін Әуезов ауданында маса кіргізбейтін тормен бірге 3-қабаттан 2 жасар қыз құлап, ауыр халде жатыр.

"Мұндай жағдайлар ата-аналардың баланы қараусыз қалдырып, қауіпсіздің ережелерін сақтамауы салдарынан болады. Терезеден көбінесе 5 жасқа дейінгі балалар құлап кетеді. Себебі олар қорқыныш сезімін түсіне бермейді және айналаны зерттеуді жақсы көреді",– дейді Алматы ТЖД өкілдері.

Осы орайда назарларыңызға көпқабатты үй тұрғындарына арналған қауіпсіздік ережелерін ұсынамыз:

1. Балалар 12,5 см-ден кеңірек ашылған терезеден құлап кетуі мүмкін. Сондықтан терезелерге толық ашылмайтындай шектегіш құрылғылар орнату.
2. Балаларды терезеден қашық жерде ойнауға үйрету керек.
3. Балалар әрдайым ата-анасының көз алдында болуы тиіс.
4. Масаға арналған торға сенбеңіздер.
5. Балалар шығуға ыңғайлы орындық, үстел қоймаңыздар.

Одан бөлек еліміздің әр өңірінде 10 тамыз күні 3 баланың терезеден құлау дерегі тіркелген. Жалпы 2014 жылдан бері осындай мәліметтерді тіркеу қолға алынған. Оған дейін терезеден құлау фактілерін ресми тіркеу жүргізілмеген. Тек соңғы жылдардың өзін алсақ,  Қазақстанда 2016 жылы - 85, 2017 жылы 107 оқиға тіркелген.

Құралай Құдайберген

deklaraciyalanbagan-valyuta-kedende-kiyndyk-tugyzady

astana-mektepterinde-17-myn-oryn-zhetispejdi

zhazdyn-songy-kunderi-almatylyktar-kajda-demalsa-bolady

ulybritaniya-halky-kazirden-bastap-brexit-ke-dajyndaluda

zhuz-myn-tengenin-zhyry-arystyktar-otemakysyn-ali-almagan

загрузка

×