Сәкен Бибосынов әлем чемпионатының жартылай финалына шықты. 1/4 финалда Сәкен замбиялық Муенго Муалені 5:0 есебімен жеңді. Жартылай финалда қазақстандық боксшы Чапа Тандра Бахадурмен кездеседі.
Сабыржан Аққалықов израильдік Мирослав Ищченконы нокаутпен жеңіп, 1/2 финалға өтті.
Теміртас Жүсіпов әлем чемпионатының 1/2 финалына шықты. Ол Лал Прасад Упретиді 5:0 есебімен жеңді.
Серік Теміржанов тәжікстандық Акмал Убайдовқа 0:5 жол берді.
Санатәлі Төлтаев Асахужа Муидинхужаевқа 1:4 есебімен жеңілді.
Аса ауыр салмақта сынға түскен Нұрлан Сапарбай Армения өкілі Давит Чалоянға 0:5 есебімен жеңіліп, жарыс жолын аяқтады.
Даниял Сәбит 1/4 финалда Замбия өкілі Патрик Чинембаға есе жіберді.
Ал, Оразбек Асылқұлов испаниялық Карлос Мартинес Бернандты 5:0 есебімен жеңіп, жартылай финалға шықты.
Ертуған Зейнуллинов (63,5 кг) бокстан әлем чемпионатының ширек финалында Израиль өкілі Ахмад Штиуиді 5:0 есебімен жеңіп, жартылай финалға шықты. 1/2 финалда Ертуған ресейлік Илья Поповпен кездеседі.
Абылайхан Жүсіпов Әзербайжан өкілі Сархан Әлиевті 5:0 есебімен жеңді. 1/2 финалда Абылайхан қырғыз боксшысы Ихтияр Нишоновпен кездеседі.
Осылайша бүгін он боксшымыздың алтауы жартылай финалға жолдама алды.
Айта кетейік, әлем чемпионаты 4-13 желтоқсан аралығында өтуде. Жеңімпаздар 300 мың доллар, күміс жүлдегерлер 150 мың доллар, қола иегерлері 75 мың доллар, ал ширек финалға шыққан боксшылар 10 мың доллар көлемінде сыйақы алады.
