Ширек финалда қазақстандық неміс Александр Зверевпен бірге жергілікті теннисшілер - Тейлор Гарри Фриц / Томми Полдан басым түсті. Қорытынды есеп 6:4, 7:6 (3). Матч 1 сағат 29 минутқа созылды.
Шешуші кездесуге шығу үшін Голубев пен Зверев Джон Иснер/Джек Сок - Фелисиано Лопес/Стефанос Циципас жұптары арасында өтетін кездесудің жеңімпазымен сынға түседі.
Айта кетейік, 10-наурыз басталған турнир 22-наурызға дейін жалғасады. Финалдық кездесулер 21-наурызға жоспарланған. Жұптық сайыстармен қатар жекелей жарыстардың да ширек финалистері анықталды. 1/8 финалда испаниялық Рафаэль Надаль АҚШ өкілі Рейлли Опелкадан 7:6, 7:6 есебімен басым түсті. Польшалық Хуберт Хуркачты жеңген ресейлік Андрей Рублев те ширек финалға жолдама алды. Сондай-ақ ¼ финалда Григор Димитров, Кэмерон Норри, Карлос Алькарастар өнер көрсетеді. Ерлер арасында өтіп жатқан Мастерс – 1000 санаттағы жарыстың жүлде қоры 8 584 055 долларды құрайды. Жеңімпаздар сыйақымен қатар 1000 рейтингтік ұпайға ие болады.
