Қазақстанның жұптық сындағы бірінші, әлемнің 24-ракеткасы Анна Данилина Берлин WTA 500 турнирінің ширек финалына шықты. Жарыстың 4-ракеткасы болып тіркелген Анна Данилина мен қытайлық Сюй Ифань алғашқы айналымда германиялық Лаура Зигемунд – ресейлік Вера Звонаревамен шеберлік байқасты. Қазақстандық-қытайлық жұп қарсыластарын 6:3, 6:1 есебімен оңай жеңді. Бір сағаттан сәл астам уақытқа созылған кездесу барысында Данилина мен Ифань 9 брейк-пойнттың төртеуін мүлт жіберген жоқ. Қазақстандық-қытайлық дуэт жартылай финалға шығу үшін чехиялықтар Катерина Синякова – Маркета Вондрусовамен кезедеседі.
Қазақстанның бірінші, әлемнің 3-ракеткасы Елена Рыбакина Берлин WTA 500 турнирінің ширек финалына шыға алмады. Қазақстандық теннисші екінші айналымда әлемнің 23-ракеткасы, хорватиялық Донна Векичпен кездесті. Бірінші партияда тай-брейкте Елена Рыбакина басымдылық танытты - 7:6 (7:1). Алайда содан кейін хорватиялық спортшы күш алып кетті - 6:3, 6:4. Екі сағат 14 минутқа созылған тартысты бәсеке барысында Елена Рыбакина 15 эйс жасағанымен, 2 брейк-пойнтты мүлт жіберді.
Ал ерлер арасында Қазақстанның бірінші, әлемнің 48-ракеткасы Александр Бублик Галле (Германия) ATP 500 турнирінің екінші айналымына шықты. Қазақстандық теннисші бастапқы кездесуін әлемнің 14-ракеткасы, хорватиялық Борна Чоричпен өткізді. Бірінші партияда Бублик 4:1 есебімен алға кетіп, сол басымдылығын сақтап қалды – 6:3. Екінші сетте қазақстандық спортшы қарқынын үдете түсті – 6:1. Бір сағаттан астам уақытқа созылған бәсеке барысында Бублик 15 эйс жасап, 10 брейк-пойнттың төртеуін өз есебіне жазды. Александр Бублик ширек финалға шығу үшін әлемнің 21-ракеткасы, германиялық Ян-Леннард Штруффпен кездеседі. Матч бүгін елорда уақытымен 17:20-ға жоспарланған.
