Қазақстанның жұптық сындағы үздік теннисшісі Анна Данилина Индиан-Уэллсте өтіп жатқан беделді турнирдің жұптық бәсекесінде ширек финалға жолдама алды.
1/8 финалдық кездесуде Данилина сербиялық теннисші Александра Круничпен жұп құрып, украин-америкалық дуэт Людмила Киченок/Дезире Кравчикті сенімді түрде жеңді. Кездесу екі сетте 6:4, 6:1 есебімен аяқталды.
Айта кетейік, бұған дейін Анна Данилина мен Александра Крунич Australian Open турнирінің финалына дейін жетіп, сондай-ақ Дохада өткен турнирде чемпион атанған болатын. Осы нәтижелердің арқасында қазақстандық теннисші WTA рейтингінде жұптық сында жетінші орынға көтерілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
