Мәдениет және спорт министрі ауысты. Арыстанбек Мұхамедиұлы қызметінен босатылды. Оның орнын осы ведомстваның вице-министрі Ақтоты Райымқұлова басты. Ол вице-министр қызметіне 2016 жылдың қазанында тағайындалған болатын.
Ақтоты Райымқұлова 1964 жылы Алматы қаласында туған. Әкесі – жазушы Рахметолла Райымқұлов.
Құрманғазы атындағы Алматы мемлекеттік консерваториясының "композиция" және "фортепиано" мамандықтарын (1987 ж.), "композиция" мамандығының асистентурасын (1994 ж.) бітірген.
Сонымен қатар Халықаралық Бизнес академиясының "Менеджмент" мамандығының магистратурасын (2007) және докторантурасын тәмамдаған. DBA (Doctor of Business Administration) және өнертану докторы (Ph.D).
Әр жылдары Құрманғазы атындағы Алматы Мемлекеттік консерваториясында Ғылыми-шығармашылық істері жөніндегі проректоры, Мәдениет және спорт министрлігі мәдениет және өнер істері департаментінің директоры, мәдениет және өнер істері комитеті төрағасының орынбасары қызметтерін атқарған.
25-тен астам ғылыми еңбектің авторы.
