/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 403,19 Brent 36,55
«Астана» алты дүркін чемпион

«Астана» алты дүркін чемпион

Елордалық команда алтыншы жыл қатарынан ел чемпионы атанды. 

04:08 04 Қараша 2019 1950

«Астана» алты дүркін чемпион

Автор:

Ермұхамед Мәулен

Қазақстан премьер лигасының 32-турында «Тобыл» - «Астана» арасындағы ойында биылғы біріншіліктің жеңімпазы анақталды. «Қайраттан» 1 ұпайға озып тұрған «Астана» бір тур бұрын чемпион атанды. Бұл ойында Юрий Логвиненко жалғыз голды салды да, елордалық ұжым маңызды 3 ұпай иеленді. Ал оның негізгі бәсекелесі  «Қайрат» сырт алаңда  «Ертіспен» кездесіп, 0-5 есебімен жеңіліп қалды. 

Қазақстан футболының тарихында алты рет қатарынан чемпион болған команда ретінде тіркелген «Астана» енді келер жылы Чемпиондар лигасында ел намысын қорғайды. Ал алматылық «Қайрат» әдеттегідей екінші орынмен шектеліп, күміс медаль иеленді. 

Біріншілікте қазір жауабы табылмай тұрған бір сауал болса ол прьемер-лигада қалатын команданың есімі. Себебі қола жүлденің де тағдыры шешіліп қойғандай. «Ордабасы» командасы соңғы турда «Таразбен» кездесіп сол ойында жеңіске жетсе болды. Тіпті, тең ойнаған күннің өзінде қола жүлдені қанжығасына басуы мүмкін. Ал  «Тараз» бен «Атыраудың» арасындағы тартыста жамбылдық команданың бәсі жоғары. Себебі «Атыраудың» соңғы ойыны «Қайратпен» болады. Әрі бұл ойында оларға ірі есеппен жеңіске жеткен ләзім. Өтпелі ойындар 15-18 қараша күндері өтеді. Біріншіліктің 10-орнын алған команда бірінші лиганың үшінші орын алған ұжымымен кездесу өткізеді. Айта кетейік, бірінші лигада үшінші орынды Орал қаласының  «Ақжайық» командасы алып отыр. 

Ермұхамед Мәулен

Клуб басшысы көлігін сатып, жалақы берді

"Екібастұз" футболшылары биыл бір-ақ рет жалақы алған.

09 Шілде 2020 17:13 108

Клуб басшысы көлігін сатып, жалақы берді

Бапкерлер мен футболшылардың жалақысын төлеу үшін «Екібастұз» футбол клубының директоры Ғалым Байкен өз автокөлігін сатқан. Клуб командаға бірнеше айдан бері жалақы төлей алмағандықтан Ғалым Байкенге осындай қадамға баруға тура келген. Биылғы жылы футболшылар мен бапкерлер тек бір-ақ рет жалақы алыпты.

Қазіргі таңда команданың бірінші лига ойындарына дайындалуына қажетті қаражатты, жалақыны және басқа да шығындарды өтеуге «Екібастұз» клубында қаржы жоқ.

Осыған дейін 35 жасар Ғалым «Ертісте», сондай-ақ Қазақстанның Кәсіпқой футбол лигасының жүйесінде жұмыс атқарған.

Естеріңізге сала кетсек, Павлодардың «Ертіс» командасы екінші тур ойындарынан кейін Қазақстан Премьер Лигасынан шығып қалған. Ал үнемделген қаражат бірінші және екінші лига командалары – «Екібастұз» және «Ақсу» командаларына, сондай-ақ балалар мен жасөспірімдер футбол клубына жұмсалатын болды.

Ермұхамед Мәулен

«Ертіс» ел чемпионатын жалғастырмайды

Қазақстанның әйгілі клубын банкроттықтан сақтау үшін осындай шешім қабылданды.  

30 Мамыр 2020 20:08 1232

«Ертіс» ел чемпионатын жалғастырмайды

Павлодардың «Ертісі» Қазақстан чемпионатымен одан әрі жалғастырмайды. Облыс билігі клубты банкроттықтан сақтап қалу үшін осындай шешім қабылдады. Бұл туралы Павлодар облыстық дене тәрбиесі және спорт басқармасының басшысы Марат Айдашев хабарлады.

«Дәл қазіргі сәтте 2020 жылдың қаңтарында қабылданған қаржылық міндеттемелерді орындау мүмкін болмай тұр. Бұл туралы бірнеше мәрте айтылды да. Себебі, клубтың бас демеушісі – ERG компаниясы жобаны қаржыландырудан бас тартты. Тиісінше, біз легионерлерге еңбекақы төлей алмаймыз. Жағдай күн санап ушығып барады. Қарыз жинақталып жатыр. Сондықтан, бәрін есептеп, ел чемпионатына қатыспау туралы шешім қабылдадық», – деді бүгін Марат Айдашев журналистерге берген сұхбатында.

Оның айтуынша, биыл Павлодар облысында футболды дамытуға бюджеттен 1,8 млрд теңге бөлінген. ERG компаниясы 1,6 млрд теңге демеушілік қолдау көрсетуге тиіс-ті. Бас демеуші жыл басында 200 млн теңге аударған. Одан кейін ештеңе бөлінген жоқ.

«Бюджеттен әзірше 183 млн теңге берілді. Қалған 1,6 млрд теңгені өзге клубтарға бөліп береміз. Яғни, «Ақсу» футбол клубына шамамен 40 млн теңге аударылады. Сол секілді «Екібастұз» футбол клубына да жеткілікті мөлшерде қаржы беріледі. Сондай-ақ, қаржының бір бөлігі «Ертіс» клубының қосалқы құрамы мен футбол орталығын ұстап тұруға бағытталмақ. Қалған соманы бюджеттік комиссияның шешімі бойынша облыс қазынасына кері қайтарамыз», – деп нақтылады басқарма басшысы.

Еске сала кетейік, «Екібастұз» – Бірінші лигада, «Ақсу» Екінші лигада өнер көрсетеді. Марат Айдашев атап өткендей, «Ертістің» қосалқы құрамы сақталады. Ондағы ойыншылар жоғарыда аталған екі командаға ауысады.  

«Ертіс» клубының ойыншыларымен кездесу өткіздік. Жағдайды түсіндіріп айттық. Проблеманы бұдан әрі сағызша созып жүре алмаймыз. Одан жағдай жақсармайды да. Легионерлер бұл жаққа ақша табу үшін келгені белгілі. Легионрелердің ендігі қадамы қандай боларын да біліп отырмыз. Олар ФИФА-ға, Қазақстанның футбол федерациясына шағымданатын болады. Дәл қазір шешім қабылдамай жүре берсек те, олар шағымданар еді. Оларға ақша төлемей, біріншілікті жалғастыра бергеннен түсер пайда жоқ», – деді Марат Айдашев.

Басқарма басшысының сөзінше, ел ішінде айтылып жүргендей, клубты банкрот етуге жол берілмейді.

«Клубта қаржылық тұрғыдан «тазалау» жұмыстары өтеді. Салықтар бойынша не істеу керектігін ойластырамыз. Қылмыстық іс қозғалып жатыр. Оның қорытындысын күтеміз. Одан әрі не болатынын қосымша хабарлаймыз. «Ертістің» тағдыры жыл соңына қарай нақты белгілі болады», – деді ол.

Осылайша, «Ертіс» биылғы чемпионатты жалғастырмайды. Клуб ендігі қадамын Екінші лигадан бастайды. Оны ұтқан жағдайда ғана Бірінші лигаға шығады. Бірінші лигадан соң, Премьер-лигаға жол ашылады.

Фархат Әміренов